Worshondjies

Worshondjies

Twee worshondjies
Uit kombersies gesiggies
Oortjies agteroor
Asempies ongestoor
Salig onbewus
Van al die getwis
Tussen mense en nasies
Die wêreld skreeu: Demokrasie!

Wat alles ook beteken
Hulle word nie ingereken
As alles om ons in duie stort
Wat gaan van hulle word
Hoe moet ek hulle bewaar
Teen die aankomende gevaar
Hulle is my hondekinders
Agterbly nooit as te nimmer

© Riekie Brink